Te implantet, rezultati varet shumë nga vendi ku vendoset implanti: sa thellë, në çfarë këndi dhe sa larg nervit ose sinusit. Me implantologjinë e udhëhequr (guided surgery), këto vendime nuk merren gjatë operacionit. Ato planifikohen më parë në kompjuter, në 3D, dhe transferohen në gojë me një guidë kirurgjike.
Çka është guida kirurgjike?
Guida është një shabllon i printuar në 3D që vendoset mbi dhëmbë ose mishin e dhëmbëve. Ka vrima të kalibruara në pozicionin e saktë të implantit. Instrumentet kalojnë nëpër këto vrima, kështu që implanti vendoset aty ku u planifikua, me këndin dhe thellësinë e planifikuar.
Si bëhet plani: 4 hapa
- CBCT 3D me Sirona Orthophos SL 3D: shohim kockën, nervin dhe sinusin në tre dimensione.
- Skanimi digjital me Primescan 2: masa e dhëmbëve pa pastë.
- Planifikimi në kompjuter: zgjedhim madhësinë e implantit (MegaGen BlueDiamond ose Hiossen), pozicionin dhe kurorën përfundimtare.
- Printimi i guidës dhe operacioni.
Pse është më mirë për pacientin?
- Saktësi më e madhe: implanti vendoset aty ku u planifikua, larg nervit dhe sinusit.
- Operacion më i shkurtër: shpesh pa prerje të madhe të mishit (flapless), pra me më pak ënjtje dhe dhimbje pas operacionit.
- Kurora del më bukur: implanti vendoset duke pasur parasysh që në fillim edhe dhëmbin që do të vihet mbi të.
- E shihni planin para operacionit: në Medident, plani juaj 3D i animuar ju dërgohet në telefon, me çmimin dhe kohëzgjatjen.
A duhet guidë për çdo implant?
Jo gjithmonë. Për raste të thjeshta me kockë të mjaftueshme, një kirurg me përvojë mund ta vendosë implantin me saktësi edhe pa guidë. Guida ka vlerë më të madhe kur ka disa implante, kur kocka është e kufizuar, pranë nervit ose sinusit, te dhëmbët e përparmë ku estetika është e rëndësishme, dhe te All-on-X. Këtë e vendos Dr. Lendita pas CBCT-së.
Sa kushton?
Implanti te Medident kushton 450 €, ndërsa implanti me kurorë zirkoni kushton nga 600 €. Konsulta dhe plani 3D janë falas. Shikoni të gjitha çmimet.
Implante dentare në Medident → · Shikoni si duket plani 3D →